Ospidel d’Engiadin’Ota

Ospidel d’Engiadin’Ota

L’Ospidel d’Engiadin’Ota es ün center da sandet alpin, inrischo illa regiun d’Engiadina San Murezzan. El offra üna spüerta medicinela vasta e disferenzcheda i’l provedimaint da basa extais a la populaziun, als impiegos stagiunels ed als giasts. La qualited, l’etica e‘l caracter scientific giodan granda priorited.

L’Ospidel d’Engiadin’Ota es üna gestiun da la «Fundaziun pel provedimaint da sandet d’Engiadin’Ota» FPSEO. Scu pü importanta furnitura da prestaziuns spordscha quella cun l’ospidel, culla Chesa da fliamaint Promulins, culla Spitex e cun differents servezzans da cussagliaziun üna spüerta vasta i’l provedimaint da basa extais.  

Infurmaziuns per paziaintas e paziaints

Per garantir ün andamaint administrativ speditiv, druvainsa Sieu agüd.
Ch’El/Ella sclarescha per plaschair aunz cu gnir a l’ospidel:

• tar che chascha d’amalos ch’El/Ella es sgüro/-eda
• per che classa da chüra ch’El/Ella es sgüro/-eda (generela, mez privata, privata)
• ed eventuelmaing che chascha d’amalos resp. sgüraunza chi surpiglia prestaziuns supplementeras

A nu fo dabsögn da pretender üna garanzia pels cuosts – quelo fains nus gugent per El/Ella. Tuot ch’El/Ella dess piglier cun se a l’ospidel, es noto sün quista pagina.

Che piglier cun se per l’ospitalisaziun?

Infurmaziuns per visitas

Uras da visita, plaun da situaziun e via d’access – tuot que cha las visitas da l’Ospidel d’Engiadin’Ota stöglian savair.

Uras da visita

La chüra, terapias e trattamaints medicinels haun lö eir düraunt las uras da visita. Quelo po chaschuner temp da spetter. Nus L’ingrazchains per Sia incletta.

• Partiziun generela: 14.00 – 20.00

• Partiziun privata e mez privata: 10.00 – 12.00 e 14.00 – 20.00

• Partiziun d’iffaunts: 14.00 – 17.00 
  Per la persuna d’accumpagnamaint da l’iffaunt velan uras da visita illimitedas ed ella ho la pussibilted da durmir aint illa staunza da l’iffaunt.
• Pagliolaintas: 14.00 – 17.00
  Per partenaris e fradgliunzs velan uras da visita illimitedas.

Portel da poppins